Haradinaj për Limajn: Kush bashkëpunon me Kurtin, është armik i vendit

Kryetari i AAK-së, Ramush Haradinaj, ka folur për mundësinë e një koalicioni të Nismës Socialdemokrate me Lëvizjen Vetëvendosje.

Ai komentoi deklaratat e kreut të Nismës, Fatmir Limaj, ku ky i fundit nuk e përjashtonte një koalicion të mundshëm me LVV-në duke thënë se mund të jenë strategji negociuese.

Nuk muj me folë për Fatmirin (Limajn), ndoshta e ka strategji negociuese, s’jam i sigurt se çka ka vlerësuar, kemi garuar bashkë dhe jam i kënaqur për rrugën që e kemi bërë bashkë dhe besoj se edhe në qeveri të opozitës mund të jemi bashkë, kjo mund të jetë një strategji e tij negociuese”, tha Haradinaj në Klan Kosova

Ai përsëriti qëndrimin e tij se Kurti është i rrezikshëm për vendin, prandaj tha se kushdo që mundëson vazhdimin e qeverisjes së tij “është armik i shtetit të Kosovës

Kurti e ka prishur pasurinë më të madhe të sigurisë, e ka prishur besimin me Amerikë, s’ka asgjë më të rëndësishme se siguria, ky është në vazhdimësi duke i prishur elementet e garancës së sigurisë.

Me Limajn nuk jemi marrë vesh për të dalë me këto qëndrime, ky nuk është pozicioni im, mua nuk më vyen njeriu që më prishë me Amerikë.