Vetëvendosje është fashiste në një vijë me Hitlerin

Natyra e Vetëvendosjes është e tillë: gjithçka që nuk është ajo, është e pavlerë. Gjithçka që mund ta nëpërkëmbë, do ta bëjë që ç’ke me të – dhe atë menjëherë, dhe atë sa më fort që të jetë e mundshme, përsa të jetë e mundur. E bullizmi është fashizëm. Është, thënë më poetikisht, aura e fashizmit

Ka një arsye të fuqishme pse duhet të përsëritën gjërat e nënkuptuara. Ndër të tjera, ngase heshtja e tyre (marrja si të mirëqena) i bën ta humbin rëndësinë, bën të injorohet rreziku fatal që mund të paraqesin menjëherë ose në një të ardhme të afërt a të largët. Paradoksalisht, në një rast të tillë është përfitues vetëm ai që duhej të ishte i prekur; ai ndaj të cilit duhej të tregohej kujdes.

Gjëja më e nënkuptuar në ditët e sotme në vendin tonë është se Vetëvendosje është në thelb një organizëm politik fashist. Ka një mori veprimesh, deklarimesh e qëndrimesh që e dëshmojnë këtë, por raporti i saj me mediat është ndër më të frikshmit.